Lakbay-Sanaysay: Pagsulat at Karanasan

Lakbay-Sanaysay

• Tinatawag ding travel essay o travelogue
• Isang uri ng lathalain kung saan ang pangunahing layunin ay maitala ang mga karanasan sa paglalakbay.
• Ayon kay Nonon Carandang, binubuo ito ng tatlong konsepto: Sanaysay, Sanay, at Lakbay.
• Ang sanaysay ang pinaka-epektibong pormat para maitala ang karanasan sa paglalakbay.

Mga Dahilan ng Pagsulat ng Lakbay-Sanaysay (Ayon kay Dr. Lilia Antonio, et al.)

• Upang itaguyod ang isang lugar at kumita ng pagsulat.
• Upang maidokumento ang kasaysayan, kultura at heograpiya ng lugar sa malikhaing pamamaraan.
• Upang makalikha ng patnubay para sa mga posibleng manlalakbay.
• Upang maitala ang pansariling kasanayan sa paglalakbay tulad ng espiritwalidad, pagpapahilom o kaya'y pagtuklas sa sarili.

Pagsulat Upang Ipakita ang Lugar at Kumita

• Mga Travel blog na itinuturing na libangan at maaaring pagkakitaan.
• Naglalaman ng pagsasalaysay ng may-akda ng kanyang karanasan sa paglalakbay.

Upang Maitala ang Kasaysayan, Kultura at Heograpiya

• Magandang halimbawa, ang ginawa ni Antonio Pigafetta habang kasama ni Magellan sa Pilipinas.
• Nagtala siya ng mahahalagang datos patungkol sa hayop, klima, heograpiya at kultura ng sinaunang Pilipino.
• Gayundin ang librong "The Travels of Marco Polo", bunga ng kanyang pagtungo sa Asya at paninirahan sa Tsina sa loob ng 15 taon.

Upang Magbigay ng Patnubay sa Manlalakbay

• Sabi ni Rizal sa kanyang nobela na "Noli Me Tangere", upang makilala ang katangian ng kultura ng isang bansa, kailangan munang malaman ang kasaysayan nito.

Upang Maitala ang Personal Na Kasaysayan, Espiritwalidad O Pagtuklas sa Sarili

• Gumagamit ng pang-araw-araw na journal (diary) para maitala ang mga karanasan, nakita, narinig at iba pang detalye sa paglalakbay.
• Isinulat ang mga realisasyon at natutunan sa proseso ng paglalakbay.

Mga Dapat Tandaan Sa Pagsulat ng Lakbay-Sanaysay

• Mahalagang magkaroon ng kaisipan ng isang manlalakbay sa halip na isang turista.
• Dapat malinaw sa isipan ang pakay at layunin.
• Ang isang turista ay nagtatakda ng itinerary o talaan ng magagandang puntahan, ngunit para sa manlalakbay ay pangalawa lamang ito sa pagsisikap na maunawaan ang kultura, kasaysayan, heograpiya, buhay ng mga tao, pagkain at pang-araw-araw na pamumuhay.
• Nilalaman ng sanaysay ang mga nakita, narinig, naunawaan at naranasan ng awtor.
• Napakapersonal ang tinig ng lakbay-sanaysay.
• Mahalagang maipakita ang mga realisasyon at natutunan sa isinagawang paglalakbay.
• Maaaring talakayin kung paano nagbago ang buhay o pananaw, paano umunlad ang pagkatao mula sa karanasan at mga karagdagang kaalaman na nakuha.

Gamitin ang Kasanayan Sa Pagsulat ng Sanaysay

• Mahalagang taglayin ng may-akda ang sapat na kasanayan sa paggamit ng wika sa pagsusulat ng sanaysay; lohikal, malinaw at organisado.
• Gumamit ng mga tayutay, idyoma o matatalinhagang salita para maging masining ang pagkakasulat.
• Maging obhetibo sa paglalatag ng mga detalye at katotohanan.
• Sikaping maipakita ang mga mahahalagang larawan na hindi nakatuon sa sarili.
• Sa pagsulat, laging baunin sa isipan ang depinisyon ni Nonon Carandang na ang lakbay-sanaysay ay kinapapalooban ng tatlong mahalagang konsepto: SANAYSAY, SANAY, at LAKBAY.

Magtala Ng Mahahalagang Detalye At Kumuha Ng Mga Larawan

• Magdala ng panulat, kwaderno o dyornal, at kamera.
• Isulat ang pangalan ng mahahalagang lugar, kalye, restoran, gusali at iba pa.
• Maglagay ng mga larawan at eksaktong lokasyon at maikling deskripsyon para sa mambabasa.