Kahulugan at Kahalagahan ng Pananaliksik

Kahulugan at Kahalagahan ng Pananaliksik

• Ayon kay Good (1963), ang pananaliksik ay maingat, kritikal, at disiplinadong pagkalap ng impormasyon batay sa kalikasan ng suliranin para sa klaripikasyon o resolusyon.
• Aquino (1974) , sinabi na ito ay sistematikong paghahanap ng mahahalagang impormasyon tungkol sa isang tiyak na paksa.
• Manuel at Medel (1976) ayon sa kanila ito ay proseso ng pangangalap ng datos upang lutasin ang isang partikular na suliranin sa isang siyentipikong pamamaraan.
• Simbulan(2008) sistematiko, kontrolado, empirical, at kritikal na imbestigasyon sa natural na pangyayari na may batayang teorya at ipotesis.
• Clarke(2005) maingat, sistematiko, at obhetibong imbestigasyon upang makakuha ng mga balidong katotohanan, makabuo ng kongklusyon, at makalikha ng mga simulaing kaugnay ng tinutukoy na suliranin sa ilang larang.
• John Best(1996), ang pananaliksik ay sistematiko at obhetibong pag-aanalisa at pagtatala ng mga kontroladong obserbasyon na maaaring tumungo sa paglalahat, simulain, teorya, at mga konsepto na magbubunga ng prediksyon sa pagkilala at posibleng kontrol sa mga pangyayari.
• Mouly(1964), ito ay proseso ng pagkakaroon ng mapanghahawakang solusyon sa problema sa pamamagitan ng planado at sistematikong pangangalap, pag-aanalisa, at interpretasyon ng mga datos.
• Nuncio et al. (2013) lohikal na proseso ng paghahanap ng sagot sa mga tanong na nakabatay sa problema at metodo ng pag-aaral tungo sa produksyon ng maraming kalaman at kasanayan upang makatugon sa pangangailangan ng tao at lipunan.
• Ayon din kay John Best (1996), ang pananaliksik ay nangangailangan ng kaalaman, tamang obserbasyon, interpretasyon, maingat na pagtatala, at pagtitipon ng datos.
• Calderon at Gonzales(1992) ang mga layunin ng pananaliksik ay upang makahanap ng sagot sa mga suliranin, bumuo ng batayang pagpapasiya, magbigay-kasiyahan sa pagiging mausisa, tumuklas ng bagong kaalaman, at patunayan ang mga umiiral na kaalaman.

Etika sa Pananaliksik

• Ang mananaliksik ay nagbibigay pagkilala sa lahat ng pinagkunan niya sa datos o impormasyon.
• Ang mananaliksik ay gumagawa ng karampatang talaan ng pinagkunan ng datos, ideya at termino.
• Nagbibigay siya ng karampatang pagkilala sa mga salitang kanyang hiniram o ginamit para sa kanyang pag-aaral
• Hindi siya nagtatago ng mahahalagang datos upang mapaganda at mapalakas o mapagtibay ang nais niyang argumento o kongklusyon at mapaninindigan niya ang konklusyon at interpretasyon ng kanyang pag-aaral.

Kaugnay na Pag-aaral at Literatura

• Ang kaugnay na literatura at pag-aaral ay ipinipresenta ayon sa paksa ito man ay galing sa internasyonal o lokal na mga aklat, journal at artikulo.
• Kailangang magbigay ang mananaliksik ng maikling buod ng mga nasaliksik na literatura na may kaugnayan sa pag-aaral na ginawa.
• Ito ay nahahati sa Kaugnay na Babasahin at Literatura.
• Ang kaugnay na literatura ay nahahati sa Pangkalahatang sanggunian, Pangunahing sanggunian, at Pangalawang sanggunian.
• Ang mga kaugnay na pag-aaral ay ang mga pananaliksik na karaniwang hindi nalathalang materyal katulad ng manuskrito, tesis at disertasyon na naunang naisagawa at may kaugnayan sa kasalukuyang pag-aaral.
• Nakakatulong ito sa pagsisiyasat ng paksang sasaliksikin, nabibigyan ang mananaliksik ng direksyon kung paano ang pagbuo ng balangkas na konsepto at sa paghahanda ng disenyo ng pag-aaral, at nakapagbibigayng impormasyon na susuporta at magpapatibay sa mga natuklasan sa pag-aaral.

Mga Dapat tandaan

• Gamitin ang mga sumusunod na parirala sa paglalahad ng bahagi ng rebyu: Ang mga kaugnay na pag-aaral na kasama sa pag-aaral na ito ay may makabuluhang kaugnayan sa kasalukuyang pag-aaral dahil.....; Ang mga kaugnay na pag-aaral dito ay pinili batay sa makabuluhan nitong kontribusyon sa pag-aaral na ito.....; Ang disertasyon ni (pangalan, taon) nagbibigay ng balangkas para sa...... ; Ang isinasagawang pag-aaral ni (pangalan, taon) ay mahalaga sa pananaliksik na ito dahil ang paksa ay magkatulad..... ; Ang pag-aaral na ito ay may kaugnayan sa pag-aaral na isinagawa sa... dahil... ; at Ang mga ibat ibang konsepto sa isinagawang pag-aaral (o sa aklat ni...) ay nagpapakita ng kaugnayan sa pag-aaral na ito batay sa...

Disenyo at Paraan ng Pananaliksik

• Ito ay tinatawag na metodolohiya.
• Mababasa dito ang methodology na ginagamit sa kabuoang pag-aaral tulad ng paglalarawan, pagsasalaysay ng mga pangyayari (historikal), o di kaya nama'y case study.
• Binabanggit din dito ang disenyo ng pananaliksik (palarawan, ekspiremental), mga teknik gaya ng pagkuha ng survey, ang pangangalap ng mga datos gamit ang mga instrumentong pampananaliksik tulad ng talatanungan o questionnaire, ang mga respondente sa pag-aaral o sample population, at ang pagsusuring gagawin.

Dalawang uring mapagkukunan ng mga datos:

• Pangunahing datos (primary sources) - nagmumula ang mga impormasyon sa mga indibidwal na tao, mga akdang pampanitikan, mga pribado o pampublikong organisasyon, batas, dokumento, at iba pang orihinal na talaan.
• Sekondaryang datos (secondary source) - kinalap ang mga datos mula sa mga manuskrito, ensayklopidya, tesis, disertasyon, magasin, pahayagan, atbp.

Presentasyon at Interpretasyon ng mga Datos

• Bahagi ito ng pananaliksik kung saan matatagpuan ang naging bunga o resulta ng riserts na tumutugon o sumasagot sa mga katanungan at sa haypotesis ng riserts.
• Matatagpuan dito ang mga nakalatag na datos, ang interpretasyon sa mga ito, mga pagsusuri, at pagpapaliwanag ng mga isinamang talaan at tsart.

Buod, Kongklusyon at Rekomendasyon

• Ang mga natuklasan sa pag-aaral ang sinusulat sa kongklusyon, ang sintesis lamang at hindi lahat ng may kaugnayan sa pag-aaral ang isinasama rito.
• Ang mga natuklasang kasagutan sa mga suliranin at haypotesis ay isinasama rin.
• Dapat na maipahayag ito nang may kaisahan at kakipilan.

Talasangunian o Bibliography

• Talaan ng mga aklat, magasin, pahayagan, online riserts, atbp-nalimbag man o hindi.
• Ito ay inililista nang pa-alpabeto na naglalahad ng: Pangalan ng may-akda, Pamagat ng aklat at edisyon, Tagapaglimbag o pabliser, Lugar na pinaglathalaan, at Taon ng pagkakalathala

Modelo ng Talasangunian

• Almario, V.S. (1997). Tradisyon at Wikang Filipino. Quezon City: Sentro ng Wikang Filipino, Unibersidad ng pilipinas.
• Pagaduan, M., Dizon, A., & Quijano, S. (2001). Paghubog, pagwakas, at muling pagbubuo ng pagkataong babae. Kasarinlan: Philippine Journal of third World Studies, 16(1), 15-44.
• Rizal, J. (2007). The social cancer: A complete English version of Noli Me Tangere(C.E.Derbyshire, Nagsalin). Kinuha sa http://www.Gutenberg.org/ dirs./6/7/3/6737/6737.txt (Orihinal na gawa inilimbag 1887)
• Garcia G.A. (2010, Hulyo 2). Graft vs GMA isinampa!. Pilipino Star Ngayon. Kinuha sa http://www.philstar.com/Article.aspx?articleId=589467
• Kailangan lagyan ng petsa kung kailan nakuha.
• Garcia G.A. (2010, Hulyo 2). Graft vs GMA isinampa!. Pilipino Star Ngayon. Kinuha sa http://www.philstar.com/Article.aspx?articleId=589467. Petsa ng nakuha: Pebrero 22, 2022
• Mula sa American Psychological Association o APA - Samahan ng mga siyentipiko at propesyunal na organisasyon ng mga sikolohista sa U.S.
• Inilalahad nito ang mga pangalan at pagkakasunud-sunod ng mga ulong-pamagat, pamamaraan, at pagkakaayos ng mga sangguniang tulad ng sitasyon at bibliograpiya, at pagkakaayos ng mga tabla at apendiks, maging ang iba pang mga kasangkapang-katangian ng mga sulatin o Manuskrito.
• Kung nabanggit ang pangalan ng awtor sa mismong teksto, napakapaloob dito sa isang parentesis.
• Gumagamit ng font na may laking 10 to 12 points.
• Gumagamit lamang ng Istilo ng font na simple at madaling basahin gaya ng Times New Roman, Courier o Arial.
• Doblehin ang espasyo sa pagitan ng mga linya (double space).
• Sa umpisa ng bawat talata, lagyan ng indensyon na mula sa 5 espasyo (parang sa font na 10 points) hanggang 7 (12 poinis)-
• Huwag pagpantay-pantayin ang o i-justify ang hanay ng text
• Gamitin lamang ang left justify o align left at hayaang naka-flush sa kaliwa ang teksto na lumikha ng 'di-pantay na kanang bahagi.
• Iwasang lumampas ng 27 linya ang teksto kada pahina
• Mag-iwan ng 'di baba sa Isang Pulgadang (1 inch.) na palugit sa itaas, at kanan ng papel Sa kaliwa 1.5 inch

Mga kailangang limitahan sa paggawa ng tala

1. Panahong saklaw
2. Gulang ng mga kasangkot
3. Kasarian ng mga kasama
4. Lugar na kasangkot
5. Pangkat ng taong kinabibilangan
6. Haba at kalidad ng teksto o naratibong nakalap
7. Kombinasyon ng iba pang batayan

Introduksyon at Paglalahad ng Suliranin

• Pagpili ng Paksa: Ang paksa ang pangunahing ideya sa pananaliksik.
• Mahahalagang Punto sa Pagpili ng Paksa:
  • Kahalagahan at Kabuluhan ng paksa.
  • Interes sa Paksa.
  • May sapat na impormasyon.
  • Haba ng nakalaang panahon.
  • Kinakailangang Gastusin.
• Bernales (2009): Ang pamagat ng pananaliksik ay kailangang maging malinaw at hindi matalinghaga may 10-20 na salita.

Depinisyon ng mga Terminolohiya

• Ito iyong ginamit sa pananaliksik at kung paano iyon ginamit sa teksto o ang tinatawag na operasyunal na depinisyon.