Kahalagahan at Antas ng Wika

Wika

• Ang wika ay sistema ng komunikasyon sa pagitan ng mga tao sa pamamagitan ng pasulat o pasalitang simbolo.
• Ang wika ay masistemang balangkas ng mga sinasalitang tunog na pinipili at isinasaayos sa paraang arbitraryo upang magamit ng mga taong kabilang sa isang kultura.

Kahalagahan ng Wika

• Pangunahing instrumento ng komunikasyon sa pagitan ng mga tao at mga bansa.
• Nag-iingat at nagpapalaganap ng kaalaman sa iba't ibang lahi.
• Nagbubuklod sa mga tao sa isang bansa.
• Tumutulong sa paglinang ng malikhaing pag-iisip.

Antas ng Wika

• Pormal: Ito ay ang pamantayan at kinikilalang wika ng maraming tao, lalo na ng mga may pinag-aralan.
  • Pambansa: Ginagamit at nauunawaan ng buong bansa, madalas sa pakikipagtalastasan.
  • Pampanitikan: Pinakamataas na antas ng wika, ginagamit ng mga dalubhasa, manunulat, at makata.
• Di-Pormal: Ginagamit sa pang-araw-araw na pakikipag-usap o kwentuhan sa mga kakilala o kaibigan.
  • Kolokyal: May pagkadi-pormal na wika.
  • Lalawiganin (dayalekto): Ginagamit sa isang partikular na lugar.
  • Balbal: Salitang-kalye o lansangan.

Barayti ng Wika

• Dayalek: Nalilikha dahil sa dimensiyong heograpiko.
• Sosyolek: Nabubuo batay sa antas sa lipunan.
• Jargon: Ginagamit sa isang partikular na larangan.
• Idyolek: Ginagamit ng isang partikular na tao.

Gamit ng Wika

• Instrumental: Ginagamit upang matugunan ang pangangailangan ng isang tao, tulad ng pag-uutos, pagsasalaysay, pagtuturo, at pangangalakal.
• Regulatoryo: Ginagamit upang gabayan ang kilos ng iba, tulad ng pagtakda ng regulasyon o pagkontrol sa dapat gawin.

Komunikasyon

• Mula sa salitang Latin na communis na nangangahulugang "karaniwan" o "panlahat".
• Ang proseso ng pagpapalitan ng mensahe o impormasyon sa pamamagitan ng karaniwang simbolo.
• Ang proseso ng pagpapadala at pagtanggap ng mensahe sa simbolong berbal o di-berbal.

Elemento ng Komunikasyon

• Pinagmulan ng Mensahe: Ang nagpadala ng mensahe.
• Mensahe: Ang ipinadalang salita na nais maipabatid.
• Ang Daluyan ng Mensahe: Kung saan o paano ipinadala ang mensahe.
• Ang Tatanggap ng Mensahe: Sino ang tumanggap ng mensahe.
• Ang Tugon o Pidbak: Sagot o tugon ukol sa mensaheng natanggap.

Uri ng Komunikasyon

• Intrapersonal: Komunikasyong pansarili at nagaganap sa ating panloob na katauhan.
• Interpersonal: Komunikasyon sa pagitan ng dalawa o higit pang tao, na nagbubuo sa relasyon natin sa ating kapwa.
• Pampubliko: Komunikasyon sa pagitan ng malaking pangkat ng tao sa pamamagitan ng midyang telebisyon, radyo, pahayagan, o pelikula.

Tanggol Wika

• Alyansang lumalaban sa pagpaslang ng CHED sa Filipino, Panitikan, at asignaturang Philippine Government and Constitution sa kolehiyo.
• Kapatid ng Tanggol Kasaysayan, na nagtataguyod na maging required ang kasaysayan sa asignatura sa Pilipinas.
• Nabuo noong Hunyo 21, 2014 sa De La Salle University - Manila.
• Binubuo ng 500 delegado mula sa 40 paaralan, kolehiyo, unibersidad, at organisasyon.
• Ang Ched Memorandum Order No. 20 series of 2013 ang pinagtatalunan.

Posisyong Papel

• Isang akademikong pagsulat na nagpapahayag ng paninindigan sa isang napapanahong isyu.
• Karaniwang ginagamit ng mga organisasyon at institusyon upang magpabatid sa publiko.

"Pagtiyak sa Katayuang Akademiya ng Filipino Bilang Asignatura sa Antas Tersyarya"

• Isinumite sa CHED noong 2014.
• Pangunahing akda ni Dr. Lakandupil Garcia.

YUNIT II

Mga Dapat Isaalang-alang sa Pagkuha ng Impormasyon

• Konsteksto ng impormasyon
• Konsteksto ng pinagkunan ng impormasyon.

Mga Panimulang Konsiderasyon

• Malinaw ang tukoy na paksa at layon sa pagkuha ng impormasyon.
• Malinaw ang pakay sa paglahok sa isang pag-uusap, pag-aaral, o proyekto.
• Ikonsidera ang uri at kalakaran ng sitwasyong pamgkomunikasyon.

Mga Mungkahi nina Santiago at Enriquez (1982)

• Iugnay ang interes sa pagpili ng tukoy ng paksa.
• Gumamit ng pamamaraang nakagawian na ng mga Pilipino.
• Humango ng paliwanag at konsepto mula sa mga kalahok sa isang pakikipag-usap o pag-aaral.

Mualan ng Impormasyon

• Primaryang Batis: Material na nakaimprenta sa papel o may kopyang elektroniko.
• Sekundaryang Batis: Pahayag ng interpretasyon, opinyon, at kritisimo na hindi direktang naranasan, naobserba, o nasaliksik.
• Kapwa Taong Batis: Pakikipag-ugnayan sa tao upang mangalap ng impormasyon. Nagbibigay ng malinaw at agarang sagot, angkop na tanong, at makapagobserba sa mga berbal at di-berbal na ekspresyon.

Bentahe sa Mediadong Ugnayan

• Pagkakataong makausap ang mga tao sa malalayong lugar.
• Makatipid sa pamasahe at panahon.
• Madaling pag-oorganisa ng datos.

Disenyo ng Pananaliksik

• Kwantitatibo
• Kwalitatibo

Pamamaraan ng Paghahagilap at Pagbabasa

• Eksperimento: Kwantitatibong disenyo na sumusukat sa epekto ng independent variable sa dependent variable na tinatalaban ng interbensyon.
• Survey: Kwantitatibong pag-aaral ng malaking populasyon upang sukatin ang kaalaman, persepsiyon, disposisyon, nararamdaman, kilos, Gawain, at katangian ng tao.
• Interbyu: Interaksiyon sa pamamgitan ng mananaliksik at ng sinasaliksik. May tatlong uri ng interbyu: Strukturado, semi-strukturado, at di-strukturado.
• Focus Group Discussion: Semi-strukturadong talakayan na binubuo ng tagapagdaloy at anim hanggang sampung kalahok.
• Pagtatanong-tanong
• Pakikipagkwentuhan
• Pagdalaw-dalaw
• Pakikipanuluyan
• Pagbabahay-bahay
• Pagmamasid

Mga Instrumentong Ginagamit sa Pagkalap ng Datos

• Talatanungan
• Eksaminasyon
• Talaan
• Rekorder

Pagsusuri ng Datos

• Pag-uugnay-ugnay ng Impormasyon
• Pagbubuod ng Impormasyon
• Pagbuo ng Kaalaman

YUNIT III

Mga Gawaing Pangkomunikasyon ng mga Pilipino

• Nakaugat na sa ating kaugalian at pagkakakilanlan.
• Nakatahi na sa ating katutubong wika.

Tsismisan

• Pagbabahaginan ng impormasyon, ang katotohanan ay hindi palaging tiyak.
• Pag-uusap sa pagitan ng mga indibidwal na magkapalagayang-loob.
• Maaaring totoo, bahagyang totoo, binaluktot, dinagdagan, binawasan, sariling interpretasyon, haka-haka, di totoo, o imbento lamang.
• Maaaring nagmula sa obserbasyon, imbento, o pabrikadiong teksto ng pagmamanipula.
• Nagmula sa salitang Espanyol na chimes.
• Maaaring magsampa ng kasong libelo o slander.
• Artikulo 353 ng batas: libelo (pasulat) o oral defamation (pasalita).

Umpukan

• Walang tiyak o planadong daloy ang pag-uusap.
• Maaaring seryoso, pagtatalo, biruan, at kantiyawan.
• Maaaring ang kalahok ay kusang lumapit o di sinasadyang nagkalapit-lapit.
• Salamyaan: Silungan kung saan nagsasama-sama na magkuwentuhan ang mga matatanda.
• Ub-fon: Ginagawa sa isang itinakdang lugar ng magkapit-bahay para magpakilala, mag-usap, magpayo, magresolba, magturo, mag-imbita, at magtulungan.

Talakayan

• Pagpapalitan ng ideya sa isnag paksa ng dalawa o higit pang tao.
• Naglalayong magbusisi ng isyu, magbigay-linaw, magresolba ng problema, at magsagawa ng aksyon.
• Impormal: Malayang pagpapalitan ng kuro-kuro nang walang sinusunod na hakbang.
• Pormal: May tiyak na hakbang, namamahala, at mamumuno at nakalahad ang kanilang mga ilalahad. Halimbawa: panel discussion, symposium, at lecture forum.

Pagbabahay-bahay

• Hindi nalalayo sa pangangapit-bahay.
• Halimbawa: pangangapit-bahay kapag eleksyon, pananaliksik, pagbisita ng mga organisadong grupo.

Pulong Bayan

• Pagtitipon-tipon ng isang grupo ng mamamayan sa isang itinakdang oras at lugar upang mag-usap nang masinsinan.
• Isinasagawa kapag may programang pinaplano, problemang kailangang lutasin, at batas na kailangang ipatupad.
• Kalahok: mga kinatawan ng pamayanan, ulo ng pamilya, at mga residenteng apektado ng isyu.
• Layunin: kumunsulta sa mamamayan, manghimok na sumuporta, magplano o maggawa ng desisyon, at magmobilisa.

Komunikasyong Di-berbal

• Pagpapabatid ng mensahe na hindi gumagamit ng salita.
• Ang kasuotan ay maaari ring magpahayag ng ibat-ibang pahiwatig.

Mga Ekspresyong Lokal

• Salitang nasasambit ng mga Pilipino dahil sa bugso ng damdamin.
• Maaari rin itong ekspresyon ng pagbati, pagpapasalamat, o pagpapaalam.