Grade 10 Araling Panlipunan Activity 4

Seksuwalidad at Kasarian

• Ayon sa World Health Organization (WHO), ang sex tumutukoy sa biyolohikal at pisyolohikal na katangian na nagtatakda ng pagkakaiba ng babae sa lalaki.
• Ang mga taong nagkakanasang seksuwal sa miyembro ng kabilang kasarian, mga lalaki na ang gustong makatalik ay babae at mga babaeng gusto naman ay lalaki ay tinatawag na Heterosexual.
• Ang Gender Identity ay kinikilala bilang malalim na damdamin at personal na karanasang pangkasarian ng isang tao, na maaaring nakatugma o hindi nakatugma sa sex niya nang siya’y ipanganak.

Seksuwal na Oriyentasyon

• Ang mga babae na ang kilos at damdamin ay panlalaki; mga babaeng may pusong lalaki at umiibig sa kapwa babae ay tinatawag na Tomboy o Lesbian.
• Ang mga lalaking nakararamdam ng atraksyon sa kanilang kapwa lalaki ay tinatawag na Gay.
• Ang Bisexual ay tumutukoy sa mga tao na may atraksyon sa parehong kasarian.

Pagpaparangal sa Kasarian

• Ang Purdah ay isinasagawa ng mga Muslim at ilang Hindu ng India, ang pagtatabing ng tela sa kababaihan upang maitago ang kanilang mukha at maging hubog ng kanilang katawan.
• Ang diskriminasyon ay tumutukoy sa anumang pag-uuri, eksklusiyon o restriksiyon batay sa kasarian na naglalayon o nagiging sanhi ng hindi pagkilala, paggalang, at pagtamasa ng mga babae ng kanilang mga karapatan o kalayaan.

Seksuwalidad at Pagpapahalaga

• Ang Transgender ay tumutukoy sa isang tao na nakararamdam na siya ay nabubuhay sa maling katawan at ang kaniyang pag-iisip at pangangatawan ay hindi magkatugma.
• Ang Sexual Orientation ay tumutukoy sa kakayahan ng isang tao na makaranas ng malalim na atraksiyong apeksyonal, emosyonal, sekswal; at ng malalim na pakikipagrelasyon sa taong ang kasarian ay maaaring katulad ng sa kanya, iba sa kanya, o kasariang higit sa isa.