Finals Tekstong Prosidyural

Tekstong Prosidyural

• Isang uri ng teksto na nagbibigay ng impormasyon o instruksyon kung paano isagawa ang isang bagay o gawain.
• Ipinapakita ang mga impormasyon sa "Kronolohikal" na paraan o mayroong sinusunod na pagkakasunod-sunod.

Iba't Ibang Anyo ng Tekstong Prosidyural

• Paraan ng Pagluluto: pinakakaraniwang uri ng tekstong prosidyural, nagbibigay panuto sa mambabasa kung paano magluto.
• Panuto: nagbibigay gabay sa mga mambabasa kung paano isagawa o likhain ang isang bagay.
• Panuntunan sa Mga Laro: nagbibigay sa mga manlalaro ng gabay na dapat nilang gawin.
• Manwal: nagbibigay ng kaalaman kung paano gamitin, paganahin, at patakbuhin ang isang bagay.
• Eksperimento: tumutuklas tayo ng bagay na hindi pa natin alam, karaniwang nagsasagawa ng eksperimento sa siyensya.
• Pagbibigay ng Direksyon: mahalagang magbigay tayo ng malinaw na direksyon para makarating sa nais na destinasyon ang ating ginagabayan.

Apat na Bahagi ng Tekstong Prosidyural

• Layunin: ang nais mong maisagawa pagkatapos ng gawain, tinutukoy rin nito ang dapat maging resulta ng susunding prosidyur.
• Mga Sangkap/Kagamitan: dito papasok ang mga Kagamitan dapat gamitin para maisakatuparan ang isang gawain.
• Hakbang/Metodo: ang serye o pagkakasunod-sunod ng prosidyur.
• Ebalwasyon: sa tekstong prosidyural, ang konklusyon ay nagbibigay ng gabay sa mambabasa kung sa paanong paraan nila maisasakatuparang Mabuti ang isang prosidyur.

Ayos ng Tekstong Prosidyural

• Pamagat
• Seksiyon
• Sub-Heading
• Biswal na Imagen

Mga Dapat Isaalang-alang sa Pagsulat ng Tekstong Prosidyural

• Ilarawan ng malinaw ang mga dapat isakatuparan.
• Gumamit ng tiyak na wika at mga salita.
• Ilista ang lahat ng gagamitin.
• Ang tekstong prosidyural ay laging nakasulat sa ikatlong panauhan (3rd person point of view).

Tekstong Argumentatibo

• Isang uri ng teksto na ang pangunahing layunin ay makapaglahad ng katuwiran o paninindigan.
• Sa tekstong ito ang manunulat ay kinakailangang maipagtanggol ang kaniyang posisyon sa paksa o isyung pinag-uusapan.
• Ang ilan sa mga ebidensyang maaari nilang gamitin ay sariling karanasan, kasaysayan, mga kaugnay na literatura at pag-aaral, at resulta ng empirikal na pananaliksik.

Dalawang Elemento ng Pangangatuwiran

• Proposisyon: ito ay ang pahayag na inilalatag upang pagtalunan o pag-usapan.
• Argumento: ito ay ang pagpapahayag ng mga dahilan at ebidensya upang maipagtanggol ang katuwiran ng isang panig.

Ang Isang Mahusay na Proposisyon Ay Dapat

• Napapanahon ang paksa.
• Walang kinikilingan ebidensya.
• Nagtataglay ng isa lamang ideya para sa argumento.
• Malinaw at tiyak.
• Ito ay nag-aanyaya ng isang pagtatalo.

Dahilan ng Tekstong Argumentatibo

• Upang mabigyang linaw ang isang isyu o usapin.
• Maipagtanggol ang sarili sa mali o masamang propaganda laban sa kaniya.
• Makapagbahagi ng kaalaman sa ibang tao.
• Makapagpahayag ng kaniyang saloobin.
• Mapanatili ang magandang relasyon sa kaniyang kapwa.

Hakbang sa Pagsulat ng Tekstong Argumentatibo

• Dapat alam kung ang paksa ay nangangailangan ng Pangangatuwiran.
• Kailangan malaman ang pagsusuri ng isang proposisyon upang sa gayon ay maangkupan ng mga mabubuting argumento.
• Dapat pag-aralan ang mga paraan ng pangangatuwiran upang makatipon ng mga gagamiting katibayan sa paggawa ng argumento.
• Pag-aralan at suriin ang mga argumento at mga ebidensya.

Alamin ang mga konsepto at kaalaman sa Tekstong Prosidyural sa pamamagitan ng pagsusulit na ito. Matuto tungkol sa iba't ibang anyo ng Tekstong Prosidyural tulad ng Paraan ng Pagluluto at iba pa.