Filipino Quarter 4: Mga Elemento ng Maikling Kuwento

Mga Elemento ng Maikling Kuwento

• Ang maikling kuwento ay isang masining na anyo ng panitikan na nagsasalaysay at nag-iiwan na kakintalan sa isipan at damdamin ng mambabasa.
• May iisang suliraning nararanasan ng pangunahing tauhan ng kuwento.
• Ang suliraning ito ay maaaring panloob o panlabas ang suliraning nararanasan ng tauhan.
• May tagpuan, tauhan, tema, at banghay ang maikling kuwento.

Tagpuan

• Tumutukoy ito sa pook o lugar na pinangyarihan ng kuwento.
• Inilalarawan nito ang kapaligiran ng akda na maaaring humubog sa katangian ng mga tauhan.

Tauhan

• Sila ang gumaganap at nagbibigay-buhay sa kuwento.
• May angking katangian sa kanilang pisikal na kaanyuan, pananamit, at pagkilos na naglalarawan ng kanilang pag-uugali at pagkatao.

Tema

• Ito ang pangunahing ideya sa loob ng kuwento.
• Ang mahalagang kaisipan ng akda.

Banghay

• Ito ang pagkakasunod-sunod ng mga pangyayari sa akda.
• Nahahati ito sa ibat’t-ibang bahagi o parte.
• Ang mga bahagi ng banghay ay ang mga sumusunod:
  • Panimula - Ito ang introduksiyon ng akda sa mga tauhan at tagpuan ng maikling kuwento.
  • Saglit na Kasiglahan - Naglalahad ito ng panandaliang pagtatagpo ng mga tauhang masasangkot sa suliranin.
  • Suliranin/Tunggalian - Ito ang problemang haharapin ng tauhan.
  • Kasukdulan - Sa bahaging ito, makakamtan ng pangunahing tauhan ang katuparan o kasawian ng kaniyang ipinaglalaban.
  • Kakalasan - Ito ang tulay o daan patungo sa paggwawakas ng maikling kuwento.
  • Wakas - Ito ang resolusyon o ang kahihinatnan ng kuwento.

Panghalip Pangngalan

• Ang panghalip o halipina ay ang salitang humahalili o pamalit sa ngalan o pangngalan na nagamit na sa parehong pangungusap o kasunod na pangungusap.
• Anaporik/Anapora - Ito ay ang panghalip na ginagamit sa hulihan bilang pananda sa pinalitang pangngalan sa unahan ng pangungusap.
• Kataporik/Katapora - Ito ay ang panghalip na ginagamit sa unahan bilang pananda sa pinalitang pangngalan sa hulihan ng pangungusap.

Mga Uri ng Awiting Bayan

• Awiting Bayan - Ito ay awit mula sa sariling bayan; mga awiting batay sa pamumuhay, tradisyon, at wika ng isang partikular na lugar.
• Oyayi o Hele – Awitin ito na ginagamit sa pagpapatulog ng bata o sanggol.
• Soliranin/Talindaw - Awit ito sa paggaod habang namamangka o sa mga mangagawa.
• Kundiman - Awit ito ng pag-ibig.

Kumbensiyon sa Pagsulat ng Awiting Bayan

• Sukat - Ito ay tumutukoy sa bilang ng pantig sa bawat taludtod.
• Tugma - Ito ang nagpapaganda sa diwa ng tula.
• Tayutay - Salita o pahayag na nagpapahayag ng mas malalim na kahulugan.
• Paksa - Isang partikular na nilalaman ang pinag-uusapan sa awit.
• Persona - Tinutukoy nito ang nagsasalita sa awit.

Mga Hakbang sa Pagsusulat ng Balita

• Kumuha ng kinakailangang impormasyon at datos sa isusulat na balita.
• Ibuod agad ang balita pagkatapos makakuha ng datos.
• Unang isulat ang nangingibabaw na pangyayari.
• Pagkatapos, isulat ang maliit na detalye nito.
• Iwasan ang pagiging maligoy at pagbibigay ng opinyon.
• Isama sa ulat ang pinagmulan ng balita.