Ekonomiks: Batas ng Demand

Study Notes

Ang demand ay tumutukoy sa dami ng isang produkto o serbisyo na gusto at kayang bilhin ng mamimili sa iba't ibang presyo sa isang takdang panahon.
Ang quantity demanded ay tumutukoy sa dami ng isang produkto o serbisyo na gusto at kayang bilhin ng mamimili sa isang takdang presyo at panahon.
Ang presyo ay tumutukoy sa dami ng perang ibibigay ng isang mamimili sa isang manininda kapalit ng isang bagay o serbisyo.

Nagsasabi ang batas ng demand na mayroong magkasalungat na ugnayan sa pagitan ng presyo at ng dami ng hinahangad.
Ang mas mataas na presyo ay nagreresulta sa mas mababang dami ng hinahangad, habang ang mas mababang presyo ay nagdudulot ng mas mataas na dami ng hinahangad.
Ang Ceteris Paribus ay nangangahulugang ipinapalagay na ang presyo lang ang salik na nakaaapekto sa pagbabago ng quantity demanded, habang ang ibang salik ay hindi nagbabago.

Substitution Effect: Kapag tumaas ang presyo ng isang produkto, hihinanap ng mga mamimili ang mas murang mga alternatibo.
Income Effect: Kapag mas mababa ang presyo, mas mataas ang kakayahan ng mga mamimili na bumili ng mas maraming produkto.

Ang demand function ay nagpapakita ng hindi tuwirang relasyon ng presyo at quantity demand sa pamamagitan ng isang mathematical equation.
Ang equation ay karaniwang Qd = a - bP, kung saan ang Qd ay ang quantity demanded, P ay ang presyo, a ay ang intercept, at b ay ang slope.

Ang demand schedule ay isang talahanayan na nagpapakita ng relasyon ng presyo at quantity demand.
Nagpapakita ito ng dami ng produkto na handa at kayang bilhin ng mga mamimili sa iba't ibang presyo sa isang takdang panahon.

Ang demand curve ay isang grapikong representasyon ng relasyon ng presyo at quantity demand; ipinapakita nito kung gaano karaming produkto ang bibilhin ng mga tao sa iba't ibang presyo.
Ang X-axis ay kumakatawan sa quantity demanded, at ang Y-axis ay kumakatawan sa presyo.

Kita: Ang pagtaas ng kita ay maaaring magresulta sa pagtaas ng demand sa mga normal na produkto. Ang mga inferior na produkto ay may tumataas na demand habang bumababa ang kita.
Panlasa: Ang panlasa o kagustuhan ng mga tao ay maaaring makaapekto sa kanilang demand para sa isang produkto.
Dami ng Mamimili: Ang mas maraming mamimili ay maaaring magresulta sa mas mataas na demand.
Presyo ng Magkakaugnay na Produkto: Ang mga komplementaryong produkto ay mga produkto na ginagamit nang magkasama; ang pagtaas ng presyo ng isang komplementaryong produkto ay maaaring magresulta sa pagbaba ng demand para sa ibang produkto.
Inaasahan ng mga Mamimili sa Presyo sa Hinaharap: Kung inaasahan ng mga mamimili na tataas ang presyo sa hinaharap, maaari nilang bilhin ang produkto ngayon, na nagreresulta sa pagtaas ng demand. Ang kabaligtaran ay totoo kung inaasahan nilang bababa ang presyo.