Edukasyon ni Dr. Jose Rizal

Edukasyon ni Dr. Jose Rizal

• Ang pag-aaral ni Rizal ay naganap sa Tahanan sa Biñan, Laguna mula 1870 hanggang 1871.
• Nag-aral din siya sa Ateneo Municipal, simula Hunyo 1872.
• Pumasok din siya sa Unibersidad ng Santo Tomas noong Abril 1877.
• Nag-aral din siya sa Universidad Central de Madrid noong Nobyembre 1882.

Katangian ng Edukasyon sa Panahon ni Rizal

• Sa panahon ni Rizal, ang edukasyon ay mataas na antas sa lipunan at nakatuon sa pagbasa, pagsulat, aritmetika, at relihiyon.
• Ang sistema ng edukasyon ay mahigpit at ipinipilit ang walang katapusang pagmememorya ng mga aralin.
• Karaniwang may kasamang hagupit kapag nagkamali.

Unang Yugto ng Edukasyon

• Ang kanyang ina, si Doña Teodora Alonzo, ang kanyang unang guro sa tahanan sa Calamba.
• Sa edad na 3, natutuhan ni Rizal ang alpabeto at magdasal.
• Ang "Kwento ng Gamu-gamo" ay isa sa mga unang aral na itinuro sa kanya.
• Tiyo Manuel ang nagturo sa kanya tungkol sa isports at mga gawaing pampalakas ng katawan kaya natuto siya magpangabayo, paglangoy, ehersisyo, at paglalakad.
• Tiyo Gregorio ang nagturo sa kanya ng hilig sa pagbasa.
• Tiyo Jose ang nagturo sa kanya ng pagpipinta, sketching, at pagmomodelo ng clay.

Mga Pribadong Guro

• Maestro Celestino ang isa sa kanyang mga unang guro.
• Maestro Lucas Padua ang isa pa niyang naging guro.
• Maestro Leon Monroy, isang habitista at dating kaklase ng kanyang ama, ang nagturo sa kanya ng Latin at Espanyol.

Pagpasok sa Paaralan ng Biñan

• Nagtungo siya sa Biñan noong Hunyo 1869 sa edad na 9.
• Sinamahan siya ni Paciano sa kanyang pag-aaral sa Biñan.
• Sumakay siya ng karomata at nakarating ng isa't kalahating oras.
• Ang layo ng kanilang bahay sa kubo ng maestro ay 30 km.(Tomasa Mercado)
• Maestro Justiniano Aquino Cruz ang kanyang naging guro sa Biñan.

Paglalarawan kay Maestro Justiniano

• Ayon kay Pepe, siya ay matangkad, payat, mahaba ang leeg, matangos ang ilong, at medyo pakuba.
• Suot niya ang kamisang yari sa sinamay na hinabi ng mga kababaihan ng Batangas.
• Kabisado niya ang gramatika nina Nebrija at Gainza.

Mga Karanasan sa Paaralan ng Biñan

• Ang paaralan ay nasa tahanan ng maestro, isang kubo.
• Siya ay na-bully at nakipag-away sa paaralan.
• Si Pedro, anak ng maestro, at si Andres Salandanan ang kanyang mga nakaaway.
• Nakakuha siya ng libreng pag-aaral sa pagguhit at pagpipinta mula kay Tandang Juancho, biyenan ng kanyang guro.
• Kasama niya si Juancho Guevarra na naging katulong ng pintor.
• Tinatalo niya ang ibang mga kaklase sa araling pang-akademiko.
• May kaklase siyang naiinggit at lagi siyang sinusumbong.
• Madalas siyang makatanggap ng lima o anim na palo kahit na siya ay isang mabait na bata.

Araw-araw na Gawain sa Paaralan ng Biñan

• Nakikinig siya ng misa tuwing alas kwatro ng umaga, kung mayroon o nag-aaral ng aralin.
• Uuwi siya ng bahay at pupunta sa hardin para maghanap ng mabolong makakain.
• Mag-aagahan siya ng kanin at tuyo.
• Papasok siya sa paaralan hanggang alas diyes, at uuwi kaagad.
• Sa hapon, babalik siya sa paaralan ng alas dos at lalabas ng alas singko.
• Magdadasal siya kasama ang ilang pinsan bago umuwi, at mag-aaral ng kanyang aralin.
• Guguhit siya nang kaunti, at maghahapunan ng kanin at "ayungin."
• Magdarasal sila, at makikipaglaro sa ibang bata sa kalsada kung may buwan.

Pag-uwi mula sa Paaralan ng Biñan

• Bago mag-Pasko nang 1870, nakatanggap si Saturnina ng liham na nagsasabing darating ang barkong Talim.
• Ang barkong Talim ang mag-uuwi sa kanya sa kanilang tahanan.
• Ito ay isang premonisyon na hindi na siya babalik sa Biñan.
• Nagdasal siya sa simbahan, nangolekta ng mga bato sa ilog, at nagpaalam sa kanyang mga guro at kaklase.
• Umalis siya sa Biñan noong Sabado ng hapon, Disyembre 17, 1870.
• Ito ang kauna-unahang pagkakataon na nakasakay siya sa barko.

Pag-aaral sa Maynila

• Nagpunta siya sa Maynila noong Hunyo 10, 1872, kasama si Paciano.
• Kumuha siya ng eksamen sa doktrinang Kristiyano, aritmetika, at pagbasa upang makapasok sa Kolehiyo de San Juan de Letran sa edad na 11.
• Nagpatala siya sa Ateneo Municipal dahil ito ang nais ng kanyang ama.
• Noong panahong ito, nakakulong si Doña Teodora Alonzo,
• Governadorcillo ng Calamba noon si Antonio Vivencio del Rosario.

Ateneo Municipal

• Ang Athenaeum ay templo ni Athena; lugar kung saan nagtitipon ang mga mananalaysay, mananalumpati, at makata upang magpalitan ng ideya.
• Ang Ateneo ay mahigpit na karibal ng Kolehiyo ng San Juan de Letran, na pinamamahalaan ng mga Dominiko.
• Ang Ateneo Municipal ay dating Escuela Pia (Paaralan ng Kawanggawa), itinatag para sa mga kalalakihan sa Maynila ng Ayuntamiento (City Council) noong 1817.
• Ito ay pampublikong paaralan.

Edukasyon sa Ateneo Municipal

• Padre Magin Ferrando ang Registrar ng Ateneo.
• Si Manuel Jerez (Xerez) Burgos, pamangkin ni Padre Burgos, ang tumanggap sa kanya sa Ateneo.
• Sa Ateneo, nagsimula siyang gumamit ang apelyidong "Rizal."
• Nagtapos siya ng Bachiller en Artes.
• May kursong bokasyonal na inaalok ang Ateneo Municipal, kabilang ang agrikultura, komersiyo, pagmemenikaniko, at pagsasarbey.
• Ang uniporme ay may pantalong mula sa hinabing hibla ng abaka at guhit-guhit na bulak na amerikana (rayadillo).

Klase at Kurikulum

• Ang klase ay nahahati sa dalawang pangkat: Imperyo Romano (Internos - Pulang bandila) at Imperyo Carthagena (Externos - Asul na bandila).
• Ang hanay ng estudyante ay ang Emperador (pinakamahusay), Tribuna, Dekuryon, Senturyon, at Tagapagdala ng bandila.
• Ang kurikulum ay kinabibilangan ng Wika (Espanyol, Latin, Griyego, Pranses), Kasaysayan, Heograpiya, Matematika, Agham, at Cultural Studies.
• Walang pasok tuwing Huwebes at Linggo para sa Pisikal na Edukasyon.

Unang Taon (1872-1873)

• Padre Jose Bech ang kanyang unang propesor sa Ateneo.
• Hindi siya mahusay sa Espanyol kaya inilagay siya sa dulo ng klase.
• Siya ay mula sa pangkat ng Carthegena dahil isa siyang "externo."
• Gonzalo Marzano ang emperador sa kanyang pagpasok.
• Tumira siya sa Binondo (Bahay ni Doña Titay).
• Pastor Millena ang kanyang kamag-aral na kasabay niya na mula rin sa Binondo.
• Kumuha siya ng pribadong aralin sa Kolehiyo ng Santa Isabel upang humusay sa Espanyol.
• Ang kanyang unang premyo ay isang larawang relihiyoso.
• Nanatili siyang may markang "Pinakamahusay" sa ikalawang semestre ngunit hindi nagpursige.
• Umuwi siya sa Calamba para magbakasyon sa tag-araw ng Marso 1873.

Ikalawang Taon (1873-1874)

• Tumira siya sa #6 Kalye Magallanes, Intramuros (Doña Pepay de Ampuero).
• Naging kamag-aral niya ang mga batang kaklase sa Biñan mula sa paaralan ni Maestro Justiniano (Justiano Jaojecco, magkapatid na Angel at Santiago Carillo).
• Nabigyan siya ng gintong medalya sa pagtatapos ng taon.
• Nahulaan niya ang pagpapalaya ng kanyang ina sa kulungan.
• "The Count of Monte Cristo" ni Alexander Dumas ang kanyang unang paboritong nobela.
• Binasa niya ang "Universal History" ni Cesar Cantu at "Travels in the Philippines" ni Dr. Feodor Jagor.

Ikatlong Taon (1874-1875)

• Nakalaya ang kanyang ina.
• Hindi naging maganda ang kanyang ipinakita sa pag-aaral kumpara nang nagdaang taon.
• Mataas ang kanyang grado sa lahat ng asignatura.
• Hindi siya nanalo ng medalya sa Espanyol subalit nagwagi sa Latin.
• Hindi siya natuwa sa kanyang ipinamalas sa pagtatapos kumpara sa nakaraang taon.

Ikaapat na Taon (1875-1876)

• Hunyo 16, 1875 siya ay naging "interno" sa Ateneo.
• Padre Francisco de Paula Sanchez ang naging inspirasyon ni Rizal para mag-aral nang mabuti at sumulat ng tula.
• Siya ang pinakamahusay na propesor sa Ateneo para kay Rizal.

Huling Taon (1874-1875)

• Siya ay pinakamahusay sa lahat ng asignatura at "ipinagmamalaki ng mga Heswita."
• Nagkamit siya ng pinakamataas na grado sa lahat ng asignatura: pilosopiya, pisika, biyolohiya, kemika, wika, mineralohiya.
• Nagtapos siya na nangunguna sa klase at nagkamit ng digri ng Batsilyer ng Sining na may pinakamataas na karangalan noong Marso 23, 1877.

Iba pang Gawain sa Ateneo Municipal

• Siya ay lider sa loob at labas ng paaralan.
• Aktibo siyang kasapi ng Kongregasyon ni Maria.
• Kasapi siya ng Akademya ng Literaturang Espanyol at Akademya ng Likas na Agham.
• Hinasa niya ang talino sa panitikan sa patnubay ni Padre Sanchez.
• Nag-aral siya ng pagpipinta kay Agustin Saez at eskultura kay Romualdo de Jesus.
• Si Padre Jose Vilaclara ang nagturo sa kanya ng Palakasan(Gymnastics, Eskrima)
• Inukit niya ang imahen ng Birheng Maria mula sa kahoy na batikuling.
• Nakilala niya si Segunda Katigbak sa edad na 16, na kanyang unang pag-ibig subalit bigo.
• Sagradong Puso ni Hesus-Padre Lleonarte
• Mi Primera Inspiracion (Aking Unang Inspirasyon) ang kanyang unang tula na maaaring naisulat habang nasa Ateneo.
• Gumawa rin sya ng dula - Pagsasalaysay sa buhay ni San Eustacio, Martir.

Unibersidad ng Santo Tomas

• Itinatag ito ni Fray Miguel de Benavides O.P, arsobispo noon ng Maynila kasama sina Domingo de Nieva at si Bernardo de Santa Catalina noong 1611 bilang Colegio Nuestra Señora del Santísimo Rosario.
• Naging Colegio de Santo Tomas ito dahil pinangalanan ito ni Miguel de Benavides bilang parangal kay Santo Tomas de Aquino.
• Noong 1645 nang iangat sa antas na pamantasan ni Papa Inocencio X.

Edukasyon sa UST

• Gusto ng kanyang ama at ni Paciano na ipagpatuloy niya ang pag-aaral ngunit hindi ang kanyang ina dahil tiyak daw mapupugutan na siya ng ulo.
• Siya ay maglalabing-anim na taong gulang.
• Sumulat siya at humingi ng payo kay Padre Pablo Ramon, Rektor ng Ateneo.
• Kumukuha siya ng kursong Pilosopiya at Sulat.
• Sa unang taon, nag-aral siya ng Kosmolohiya, Metapisika, Teodisiya at Kasaysayan ng Pilosopiya
• Nag-aaral din siya ng kursong bokasyonal sa Ateneo habang nasa kanyang unang taon sa UST.
• Nanguna siya sa lahat ng asignatura ng pagsasarbey - Perito Agrimensor (dalubhasang agrimensor).
• Nagkamit siya ng gintong medalya sa agrikultura at topograpiya.
• Nakapasa siya sa eksamen sa kursong pagsasarbey sa edad na 17.
• Nobyembre 25, 1881 lamang niya nakuha ang titulo niya galing UST.
• Patuloy na naging aktibo sa mga gawain sa Ateneo niya. Pangulo siya ng Akademya ng Literaturang Espanyol,Kalihim ng Akademya ng mga Likas na Agham at Patuloy na naging kasapi ng Kongregasyon ni Maria.

Iba pang Karanasan sa UST

• Nagbisita sa Pakil at Pagsanjan, Laguna para makita ang Dambana ng Birhen ng Maria Delos Dolores (Birhen ng Turumba)
• Naibig kina Leonor Valenzuela, Leonor Rivera, at Vicenta Ybardolaza.
• Nakaranas ng mga pangungutya mula sa mga mayayabang na estudyanteng Espanyol (indio,chongo).
• Itinatag ang Compañerismo (Pagsasamahan). Ang mga kasapi tawagin ding kasama ni Jehu.
• Nakaranas ng labanan sa pagitan ng mga estudyanteng Pilipino at Espanyol
• Hindi siya masaya sa atmospera sa Institusyong Dominiko kung kaya't marami siyang reklamo tulad ng hindi maganda ang pagtingin sa kanya ng mga dominikong propesor at mababa ang pagtingin ng mga estudyanteng Pilipino sa kanya. Nakita rin nya na tradisyonal at mapang-api pa rin ang sistema ng pagtuturo niya dito.
• Hindi siya nakakuha ng mataas na karangalan sa pagtatapos niya sa UST.

Mga Pampanitikang Gawain ni Rizal noong nag aaral sa UST

• Isinumite ni Rizal ang "A La Juventud Filipina" sa paligsahan sa panitikan ng Liceo Artistico-Literario ng Maynila. Siya ay 18 taong gulang. Iginawad sa kanya ang unang gantimpala- isang pilak na panulat.
• "A La Juventud Filipina" ay isang tulang nagbibigay ng inspirasyon sa pamamagitan ng magagandang berso. Hiniling ni Rizal sa kabataang Pilipino na imulat ang kanilang mga mata sa nangyayari sa kanilang paligid.
• Isinumite ni Rizal ang "El Consejo de los Dioses" sa nagkaroon muli ng paligsahan ang Liceo Artistico-Literario. Ang Dulang "El Consejo de los Dioses" ni Rizal ay para sa Ikaapat na Sentenaryo ni Cervantes, ang awtor ng Don Quixote de la Mancha. Sa huli ng pagpapasya ay iginawad pa rin ang unang gantimpala kay Rizal- gintong singsing na may nakaukit na mukha ni Cervantes kahit may pagtutol dahil dito, si Rizal ay 19 taong gulang. Nagtatag ang alegorya ng pagkakatulad nina Homer, Virgil at Cervantes sa gawain niya.
• "Junto al Pasig" Itinanghal ng mga Atenista noong Disyembre 8, 1880 na isinulat niya habang siya ay Pangulo ng Akademya ng Literaturang Espanyol sa Ateneo . Lumikha rin sya ng "A Filipinas bilang Sonata para sa album ng Samahan ng mga Iskultor," "Abd-el Azis y Mahoma- isang tulang binigkas ni Manuel Fernandez, Disyembre 8, 1879 para sa patrona ng Ateneo at "Al M.R.P. Pablo Ramon," isang tula ng pagmamahal sa rektor ng Ateneo.

Pag Desisyon Mag aral Ibang Bansa

• Hindi niya nakayanan ang malawakang panlalait, diskriminasyon at pagkapoot sa mga mag-aaral na Indio at mestizo sa paligid niya.
• Sinang-ayunan ang pasya nina Paciano, Saturnina at Lucia, Antonio Rivera atbp. ang pag alis niya galing pilipinas.
• Hindi siya humingi ng permiso at basbas mula sa kanyang sa mga magulang niya at nagpadala ng liham ng pamamaalam sa kanyang mga magulang at kay Leonor Rivera lamang.