IMG_20240926_205955.jpg

## Mga Kababaihan Sa umpisa, ang Katipunan ay para lamang sa kalalakihan. Hindi nagtagal, tinanggap din ang kababaihan sa kadahilanang nagseselos ang marami sa gabi-gabing pag-uwi ng kanilang mga asawa na mula sa pagpupulong, at para maipaliwanag din sa kanila ang pagkabawas ng kanilang sahod. Upan...

## Mga Kababaihan Sa umpisa, ang Katipunan ay para lamang sa kalalakihan. Hindi nagtagal, tinanggap din ang kababaihan sa kadahilanang nagseselos ang marami sa gabi-gabing pag-uwi ng kanilang mga asawa na mula sa pagpupulong, at para maipaliwanag din sa kanila ang pagkabawas ng kanilang sahod. Upang mapanatili ang kapayapaan sa pamilya, ang kababaihan ay tinanggap bilang kasapi ng samahan. Simple lamang ang kinakailangan upang maging kasapi ang isang babae. Siya ay maaaring: asawa, kapatid, anak, o kamag-anak ng isang Katipunero. Ang kanilang pagsapi ay may mahalagang sadya dahil sila ang nag-iingat ng lahat ng mga lihim na dokumento at kagamitan ng samahan. Tumutulong din sila sa pagkuha ng bagong kasapi at kapag may pagpupulong ang mga Katipunero, nagdaraos sila ng balatkayong pagdiriwang upang hindi paghinalaan ng mga Kastila. Ilan sa mga kilalang katipunera ay sina: * **Gregoria de Jesus** * "Lakambini ng Katipunan" * Siya ang asawa ni Andres Bonifacio * **Marina Dizon** * Pinsan ni Emilio Jacinto * **Josefa at Trinidad Rizal** * Mga kapatid ni Jose Rizal * **Melchora Aquino** * Kilala rin sa tawag na "Tandang Sora" * Ang ina ni Juan Ramos, isang Katipunero. ## Pamahalaan ng Katipunan Ang Katipunan ay may sariling sistema ng pamahalaan. Nahahati ito sa apat na bahagi: ### Kataas-taasang Sanggunian (Supreme Council) * Namumuno sa buong bansa * Binubuo ito ng Pangulo, fiscal, kalihim, ingat-yaman, at auditor. ### Sangguniang Bayan (Provincial Council) * Para naman ito sa mga lalawigan ### Sangguniang Balangay (Municipal Council) * Para naman ito sa mga bayan ### Sangguniang Hukuman (Judicial Council) * Nasa kanila ang kapangyarihang tagahukom ng samahan. * Ito ang nagbibigay ng desisyon tungkol sa mga usapin ng pagtataksil at pag-aaway ng mga miyembro nito.